تبریزده فعال ۱۰ مین ۷۰۰ تاکسیدن ۵ مین ۳۷۱ دَنهسینین کؤهنهلدیگی و یئنیسی ایله دگیشدیریلمهسی گَرَکدیگی آچیقلاندی. بونا باخمایاراق، ۱۴۰۵-جی ایلین باشیندان ایندییه قدر شهرده بیر تاکسی بئله یئنیلنمهدی.
تبریز بلدیهسی یولچو داشیما مودورلوگو هؤرگوتونون باشقانی فرخ جلالی ۲۹ مرداددا وئردیگی آچیقلامایا گؤره؛ ۱۴۰۰-جی ایلدن بو یانا توپلام ۱۷۵۰ تاکسی یئنیلهنمیشدیر. ۱۴۰۱-جی ایلده ۹۰۹ تاکسی دَییشدیریلدی، آنجاق ۱۴۰۴-جی ایلده بو سایی یالنیز ۲۵ اولدو و بو ایل پروسه تامامیله دایاندی.
جلالینین وئردیگی آمارلارا گؤره، تبریز تاکسیلری هر گون تقریباً ۸۸۰ مین یولچو داشیییر. شهرداخیلی (ناوگان حمل و نقل عمومی) توپلو داشیما دونانماسیندا ۵۲۹ اوتوبوس و ۳۶ مینیبوس دا وار.
یئنی آمارلار، تاکسیلرین کؤهنهلمهسینین تبریز توپلو داشیماسینین اَن جدی مسئلهلریندن بیری اولدوغونو گؤستریر. یئنیلمه سورعتینین سون ایللرده کسکین آزالماسی، شهَرین احتیاجی ایله موجود ظرفیت آراسینداکی فاصلهنی داها دا بؤیودور.
