آمریکادا بیر محکمه، پکینین کشفیات (اطلاعات) تشکیلاتی اوچون گیزلیجه ایشله‌ین و آمریکالی حربچیلری جاسوسلوغا چکمگه چالیشان ایکی چین وطنداشینین هر بیرینه ۳۰ آی حبس جزاسی وئردی.
آراز نیوزون آمریکا عدلیه وزارتیندن اساس آلدیغی معلوماتا گؤره، ۴۰ یاشلی لیرن لای و ۳۹ یاشلی یوآنسه چن، ۸ آبان جمعه گونو حبسدن علاوه اوچ ایل نظارت آلتیندا آزادلیغا دا محکوم ائدیلدیلر.
محکمه سندلرینه گؤره، بو ایکی نفر ۲۰۲۱-دن بری چینین دؤولت تهلوکه‌سیزلیگی وزارتی اوچون ایشله‌ییر، ۱۰ مین و ۲۰ مین دولارلیق مبلغلرین گیزلیجه کؤچورولمه‌سینده رول اوینامیشدیلار.
بوندان علاوه اونلار دنیز قووه‌لرینین تأسیساتینین، اوردویا یئنی آلینمیش عسگرلرین و آمریکالی حربچیلرین شکیللرینی چکمیش، جاسوس شبکه‌سینه چکیله بیله‌جک احتمالی هدفلر حاقیندا معلومات توپلامیشدیلار.
بو ایکی نفر ژوئن ۲۰۲۵-ده توتولموش و محکمه‌ده اتهاملارینی بویونلارینا آلمیشدیلار.
