آراز نیوزون آنادولو خبر آژانسیندان نقل ائتدیگینه گؤره، اردوغان نیویورکدا تورکیهنین آمریکا ایله نوکلئر (هستهای) انرژی، مایع طبیعی گاز، سیویل هاواچلیق و ایلری تکنولوژیلر ساحهسینده ایشبیرلیگی گئنیشلندیرمهیه حاضیر اولدوغونو دئییب.
او، ایکی اؤلکه آراسیندا ساوونما صنعتی ایشبیرلیگینین هم ایکیطرفلی، هم ده ناتو چَرچیوهسینده ایلری آپاریلمالی اولدوغونو بیلدیریب و علاوه ائدیب: «ایکی موتتفیق آراسیندا اصلده هئچ اولمامالی مانعلری آرخادا قویماق و یئنی بیر سورعت قازاندیرماق ایستهییریک.»
اردوغان همچنین بیرگه اورهتیم امکانلاری دا داخیل اولماقلا، اورتاق ایشبیرلیگین گئنیشلندیریلمهسینی آنکارا ایله واشینقتون موناسیبتلرینین گلهجکدهکی اساس ایستیقامتلریندن بیری آدلاندیریب.
