حماس لیدرلریندن غازی حمد، بو تشکیلاتین غزه ساواشینی بیتیرمک و سیویل وطنداشلارین اذیتینی آزالتماق هدفییله جامع بیر باریش آنلاشماسینا رضایت وئردیگینی، آنجاق بونون حماسین سیاسی هدفلریندن اَل چکمک معناسینا گلمهدیگینی ائلان ائتدی.
العربییهنین خبرینه گؤره، غازی حمد، فلسطینلی مختلیف تشکیلاتلارلا گنیش موذاکرهلردن سونرا و غزه ساکینلرینی چتین شرطلردن قورتارماق هدفییله، حماسین جامع باریش آنلاشماسینا رضایت وئردیگینی سؤیلهدی. او، بو قرارین موشترک دانیشیقلارین نتیجهسی اولدوغونو و بیرطرفلی آلینمادیغینی وورغولادی.
حمد علاوه ائتدی کی، حماس، آنلاشمانین موفقیت شانسینی آرتیرماق اوچون سیاسی امتیازلار وئردی، آنجاق بو امتیازلار تشکیلاتین «میللی حاقلاری»ندان یا سیاسی هدفلریندن اَل چکمک معناسینا گلمیر.
اونون سؤزلرینه گؤره، بو آنلاشما ایندیکی شرطلری ایداره ائتمک و ساواشی بیتیرمک اوچون بیر یولدور و حماسین اصلی موقعینی دگیشدیرمهیهجک.
