bazar, 22 noyabr 2026
İran

«Regionu oda qalayacağıq»: İran parlamentinin deputatı dörd ərəb ölkəsinin neft obyektlərinə hücumla hədələyib

«Regionu oda qalayacağıq»: İran parlamentinin deputatı dörd ərəb ölkəsinin neft obyektlərinə hücumla hədələyib

İran İslami Şura Məclisində Tehranı təmsil edən deputat Seyid Əli Yəzdixah ABŞ-ın dəniz blokadası davam edərsə və İranın neft ixracının qarşısı alınarsa, regiondakı ərəb ölkələrinin neft obyektlərinin hücum hədəfinə çevriləcəyi ilə hədələyib. O, Birləşmiş Ərəb Əmirliklərinin, Küveytin, Bəhreynin və Səudiyyə Ərəbistanının adını çəkərək vurğulayıb ki, İslam Respublikası neft ixrac edə bilməsə, regionun digər ölkələri də neft ixrac edə bilməməlidir.

"Didban İran" saytının xəbərinə görə, Yəzdixah 22 noyabr 2026-cı il (1 azər 1405), bazar günü ABŞ-ın dəniz blokadasının yarılmasının zəruriliyini vurğulayaraq deyib: «Əgər belə bir addıma icazə verilməsə, regionu oda qalayacağıq və belə bir şəraitdə heç kim öz adi fəaliyyətini davam etdirə bilməyəcək».

O əlavə edib: «İlk addımda Əmirliklərin, Küveytin, Bəhreynin və Səudiyyə Ərəbistanının neft quyuları hədəfə alınacaq, çünki ya biz öz neftimizi ixrac edə bilməliyik, ya da heç kim neft ixrac edə bilməməlidir». Deputat həmçinin bildirib ki, Hörmüz boğazının açılması hələ də İslam Respublikasının irəli sürdüyü yeddi şərtin qəbul edilməsindən asılıdır.

Bu xəbəri paylaşın