bazar, 22 noyabr 2026
Azərbaycan

Qərbi Azərbaycan valisi: Urmiya gölünün su həcmi 10 dəfə artıb

Qərbi Azərbaycan valisi: Urmiya gölünün su həcmi 10 dəfə artıb

Qərbi Azərbaycan valisi Rza Rəhmani Urmiya gölünün su həcminin ötən illə müqayisədə 10 dəfədən, sahəsinin isə dörd dəfədən çox artdığını açıqlayıb.

IRNA-nın məlumatına görə, Rəhmani Urmiya gölünün vəziyyətinin yaxşılaşmasından danışıb. O bildirib ki, bəzi tədqiqat mərkəzləri əvvəllər gölün bərpasını mümkünsüz hesab edirdi, lakin indiki vəziyyət bu proqnozların əksini göstərir.

Bununla belə, su həcminin ötən illə müqayisədə artması heç də gölün davamlı şəkildə bərpa olunması demək deyil.

Cənubi Azərbaycanın ekoloji və milli fəalları illərdir İslam Respublikasını bəndlər tikməklə, su ehtiyatlarının yönünü dəyişməklə və gölün su payına laqeyd yanaşmaqla Urmiya gölünü qəsdən qurutmaqda ittiham edirlər. Ötən illərdə də gölün qurudulmasına etiraz edən bir sıra azərbaycanlı həbs olunub, onların döyülməsi və işgəncəyə məruz qalması barədə məlumatlar yayılıb.

Bu xəbəri paylaşın