İsrailin 13-cü kanalının məlumatına görə, Yaşar partiyasının lideri Qadi Ayzenkot Benyamin Netanyahuya Yaşarın rəhbərlik edəcəyi birlik hökumətinə qoşulmağı təklif etmək niyyətindədir. Bu planda rotasiyalı baş nazirlik nəzərdə tutulmur. Netanyahu üçün diplomatik məsələlərdə fəaliyyət göstərməsinə imkan verən çərçivə müəyyənləşdiriləcək. Onun yaşayış yeri, mühafizəsi və şəxsi məsələləri ilə bağlı paketin də təklif olunması mümkündür.
Yaşar və Likud partiyalarının nümayəndələri bazar günü görüşüb və birgə bəyanatda danışıqların davam edəcəyini açıqlayıblar. Görüşdə Yaşar tərəfindən Hili Tropper və Yoav Horovits, Beyahad partiyası tərəfindən isə Şalom Şlomo iştirak edib. Ayzenkotun yaxın ətrafı baş nazirlik istisna olmaqla, istənilən məsələdə kompromisə getməyə hazır olduqlarını bildirib.
Demokratlar partiyasının lideri Yair Qolan bu görüşü sərt tənqid edib. Onun sözlərinə görə, dəyişikliyə aparan yol Netanyahu ilə danışıqlardan keçmir və ərəb partiyalarının liderləri ilə görüşmək lazımdır.
