CENTCOM SEPAH-ın iddiasını təkzib edib: Bəhreynə buraxılan hər iki kamikadze dron vurulub

ABŞ ordusunun Mərkəzi Komandanlığı (CENTCOM) İslam İnqilabı Keşikçiləri Korpusunun (SEPAH) Bəhreyndəki «ABŞ-ın erkən xəbərdarlıq radarına» hücumla bağlı iddiasını təkzib edib. CENTCOM-un açıqlamasına görə, SEPAH bu gün Bəhreynə doğru iki kamikadze dron göndərib və ABŞ qüvvələri hər ikisini vurub. Hücum nəticəsində heç bir itki və ya ziyan qeydə alınmayıb.