İsrail ordusu ölkənin təhlükəsizlik kabinetindən İslam Respublikasına mümkün hücum üçün hazırlığı sürətləndirmək göstərişi alıb. İsrail mediası çərşənbə günü xəbər verib ki, bu göstəriş Benyamin Netanyahunun sədrliyi ilə keçirilən iclasda verilib və müharibənin bərpasına gətirib çıxara bilər.
Kabinet bu qərarı Netanyahu ilə Tramp arasında ötən həftənin sonunda telefon danışığı zamanı fikir ayrılığı yarandıqdan sonra qəbul edib. Netanyahu hücumların bərpasını və İranda hakimiyyətin dəyişdirilməsini istəyib, Tramp isə danışıqların davam etdirilməsinə və iqtisadi təzyiqə üstünlük verib. Netanyahunun ofisi həmin telefon danışığında gərginlik yaşandığını təkzib edib və bu xəbərləri «saxta xəbər» adlandırıb.
Tramp çərşənbə günü bildirib ki, ABŞ müharibədə qalib gəlib, lakin «93 faizlik deyil, tam qələbə» istəyir. Ali Milli Təhlükəsizlik Şurasının katibi Möhsün Rzai buna cavab olaraq hədələyib ki, ABŞ yeni hücum həyata keçirsə, Qərbi Asiyadan Avropaya qədər bu hücumda iştirak edən hər bir hərbi baza hədəfə alınacaq.
