İran parlamentinin deputatlarından biri Britaniyanı və digər Avropa ölkələrini raket hücumu ilə hədələyib. Qumu parlamentdə təmsil edən Qasım Rəvanbəxş şənbə günü, 16 aban (7 noyabr) tarixində deyib ki, əgər bu ölkələr hücumda ABŞ-a qoşularsa, onların bazaları və infrastrukturu daha uzaqmənzilli raketlərin hədəfinə çevrilə bilər.
Rəvanbəxş bu müharibədə İslam Respublikasının müxtəlif ölkələrin regiondakı bazalarına endirdiyi zərbələri xatırladıb. Onun sözlərinə görə, 4000 kilometr mənzillə Britaniyanı hədəfə almaq mümkündür və «artıq heç bir çəkinmə yoxdur». O, ABŞ-ın daim danışıqlar üçün «yalvardığını», eyni zamanda İranın raketi olmadığını dediyini iddia edib və istehza ilə bəs onda ABŞ-ın hücumu niyə təxirə saldığını soruşub.
Eyni zamanda, ABŞ-ın maliyyə naziri Skott Bessent Çindən müharibəyə son qoyulması üçün Tehran üzərindəki təsirindən istifadə etməyi istəyib. ABŞ vitse-prezidenti Cey Di Vens də Ali Milli Təhlükəsizlik Şurasının katibi Möhsün Rzaiyə məktub göndərib.
