Dəməşq noyabrın 7-də, şənbə günü İslam Respublikasının dəstəklədiyi husilərlə döyüşmək üçün Səudiyyə Ərəbistanına və Yəmənə minlərlə suriyalı hərbçinin göndərilməsi barədə xəbərləri təkzib edib. Suriyalı diplomatik mənbə bildirib ki, ölkə hökumətinin Yəmənə qüvvə göndərmək barədə heç bir planı yoxdur. Mənbə yayılan xəbərləri əsassız adlandırıb.
Dəməşqin təkzibi Yəmənin bir neçə hərbi və dövlət rəsmisinin Ər-Riyada və onun dəstəklədiyi Yəmən hökumətinə dəstək üçün minlərlə suriyalı hərbçinin göndərildiyini açıqlamasından sonra gəlib. Üç yəmənli hərbi mənbə və bir müdafiə rəsmisi yüzlərlə suriyalı hərbçinin hazırda Səudiyyə Ərəbistanı ilə Yəmən sərhədinin hər iki tərəfində yerləşdirildiyini bildirmişdi.
Yəmən Prezident Şurasına yaxın bir rəsmi də Dəməşq və Ər-Riyadın husilərə qarşı əməliyyatlar üçün təxminən 3 min suriyalı hərbçinin göndərilməsi barədə razılığa gəldiyini iddia etmişdi.
