İslam Respublikası ilə ABŞ arasındakı gərginliyin sona çatması və fikir ayrılıqlarının diplomatiya yolu ilə həlli Türkiyə Prezidenti Rəcəb Tayyib Ərdoğanın ABŞ Prezidenti Donald Trampla şənbə günü apardığı telefon danışığının mövzularından biri olub. Ərdoğan Ankaranın sülhün bərqərar olması üçün səylərini davam etdirəcəyini vurğulayıb.
İki lider bu danışıqda Ankara ilə Vaşinqton arasındakı ikitərəfli münasibətləri, eləcə də regional və qlobal hadisələri müzakirə ediblər. Türkiyə Prezidentinin fikrincə, iki ölkə arasında əməkdaşlıq genişlənir və tərəflər qarşıdakı dövrdə münasibətləri sürətləndirmək üçün səy göstərəcəklər.
Rusiya-Ukrayna müharibəsi danışığın digər mövzusu olub. Ərdoğan bu müharibəni sona çatdırmaq üçün artan diplomatik səylərin nəticə verəcəyinə ümid etdiyini bildirib. O, Türkiyənin bu prosesə töhfə verməyə davam edəcəyini və Kiyev, eləcə də Moskva ilə təmasların genişləndirilməsinin əhəmiyyətli olduğunu əlavə edib.
