ABŞ Dövlət Departamentinin sözçüsü çərşənbə axşamı "Amerikanın Səsi"nə bildirib ki, Tramp administrasiyası İslam Respublikasının qeyri-qanuni gəlirlərini hədəfə almağa davam edir. Onun sözlərinə görə, Vaşinqton «İqtisadi təcrid əməliyyatı» çərçivəsində neft qaçaqmalçılığı, sanksiyalardan yayınma və terrorizmin maliyyələşdirilməsi şəbəkələrini hədəfə alıb.
Bu reaksiya "Reuters" agentliyinin araşdırma xarakterli hesabatından sonra gəlib. "Reuters"in məlumatına görə, İslam Respublikası 5 mindən çox hərbi qurumdan ibarət gizli şəbəkə qurub. Bu şəbəkə 2024-cü ilin dekabr ayından ABŞ-ın dəniz blokadasından yan keçərək ən azı 2 milyard dollarlıq avadanlıq, partlayıcı maddələr və ağır yük maşınları idxal edib. Bu qurumların bəziləri İslam İnqilabı Keşikçiləri Korpusuna və hakimiyyət dairələrinə bağlı iqtisadi fondlara bağlıdır.
ABŞ Dövlət Departamentinin sözçüsü əlavə edib ki, Vaşinqton Tehranın Hörmüz boğazında gəmiçiliyi pozmaq və dünya iqtisadiyyatını girov götürmək cəhdlərini puça çıxarmağa qərarlıdır.
