Media xəbərlərinə görə, İsrailin baş naziri Benyamin Netanyahu İslam Respublikasına qarşı yeni birgə hücumlar mərhələsinin başlanmasına Donald Trampın razılığını almağa çalışır.
Fox News və Amerika mediasının xəbərlərinə əsasən, ABŞ ordusu 3 noyabr aralıq seçkilərindən sonra İrana mümkün hücum üçün hərbi variantlar hazırlayır.
Yayılan məlumatlara görə, Netanyahu daha əvvəl birgə əməliyyatın sürətləndirilməsini tələb edib, lakin Tramp indiyədək yeni hücumların başlanması barədə əmr verməyib.
İsrailin Baş nazirlik ofisi də Netanyahunun hücumun başlanması üçün təzyiq göstərməsi ilə bağlı xəbərləri təkzib edib.
ABŞ və İsrailin hərbi hazırlığının artmasına baxmayaraq, yeni əməliyyatın başlanması ilə bağlı hələ qəti qərar elan olunmayıb.
