Axios-un məlumatına görə, ABŞ-ın maliyyə naziri Skott Bessent Trampa İslam Respublikasına qarşı iqtisadi təzyiqin nəticə verdiyini bildirib. Bessent bu qiymətləndirməni cümə axşamı Trampın təhlükəsizlik üzrə müşavirləri ilə keçirdiyi iclasda səsləndirib. Amerikalı rəsmilərdən biri bildirib ki, Bessentin qiymətləndirməsinə görə, İranda vəziyyət pisləşir və bu proses hakimiyyəti daha da qeyri-sabit edə, Müctəba Xameneyini razılaşmaya məcbur edə bilər.
Maliyyə Nazirliyinin yeni hesabatında deyilir ki, dəniz blokadası və sanksiyalar İran iqtisadiyyatını iflic edib. 25 avqustdan bəri İranda heç bir neft tankerinə neft yüklənməyib, illik inflyasiya isə sentyabrda 90 faizə çatıb. Dollar da oktyabrda rekord həddə – 268 min 700 tümənə yüksəlib.
Bessent Trampın ən yaxın müşavirlərindən biridir və ondan tələsik şəkildə müharibəyə qayıtmaq əvəzinə bu kampaniyaya şans verməsini istəyir. Amerikalı rəsmilərin sözlərinə görə, Tehranı güzəştə getməyə məcbur etmək üçün bu kampaniyaya daha çox vaxt lazımdır.
