ABŞ prezidenti Donald Tramp Montanada keçirilən seçki toplantısında çıxış edərkən İslam Respublikası məsələsinin «çox tezliklə» başa çatacağını bildirib və Tehran rəhbərlərinin hazırda hər şeydən çox öz varlıqlarını qorumaq barədə narahat olduqlarını iddia edib.
Tramp istehzalı tonla İslam Respublikası rəhbərlərinin danışıqlardakı ən vacib xahişinin bu olduğunu deyib: «Lütfən, sağ qalmağımıza icazə verə bilərsinizmi?» O, bir daha vurğulayıb ki, Tehranla qarşıdurma ya razılaşma yolu ilə, ya da hərbi əməliyyatların davam etdirilməsi ilə sona çatacaq.
Tramp həmçinin İslam Respublikasının komandanlıq strukturunun və hərbi potensialının böyük hissəsinin aradan qaldırıldığını iddia edib, İranın hərbi dəniz qüvvələrinin, hərbi hava qüvvələrinin və istifadəyə yararlı qırıcı təyyarələrinin faktiki olaraq məhv edildiyini deyib.
ABŞ prezidenti, eyni zamanda, bu böhran başa çatdıqdan sonra neftin qiymətinin «daş kimi düşəcəyini» bildirib və bir daha ABŞ-ın İslam Respublikasının nüvə potensialını məhv etdiyini iddia edib.
