Reuters agentliyinin məlumatına görə, agentliyin müxbirləri «Britaniyanın Baş Konsulluğu» lövhəsinin və konsulluq xidmətləri bölməsinin lövhəsinin binadan götürüldüyünü müşahidə ediblər. Bununla belə, Britaniya bayrağı hələ də binanın üzərində dalğalanır, konsulluğun fəaliyyətinin tam dayandırılması isə hələ rəsmi olaraq təsdiqlənməyib.
İsrail keçən ay Britaniya İordan çayının qərb sahilindəki İsrail yaşayış məntəqələrinə qarşı yeni sanksiyalar və məhdudiyyətlər elan etdikdən sonra Londona konsulluğu bağlamaq və diplomatlarını çıxarmaq üçün 30 gün möhlət verib. Britaniya bu qərarın icrasının qarşısını almağa çalışıb, lakin İsrail öz qərarında israr edib.
Bu konsulluq Britaniyanın Şərqi Qüds, İordan çayının qərb sahili və Qəzzadakı fələstinlilərlə münasibətlərinə cavabdehdir. Reuters həmçinin xəbər verib ki, konsulluq tamamilə bağlanarsa, London bir sıra İsrail diplomatının Britaniyadan çıxarılması məsələsini nəzərdən keçirir.
