Məlumatlara görə, Suriyanın kəşfiyyat və Xarici İşlər Nazirliyinin rəsmiləri sentyabr ayında Türkiyənin təhlükəsizlik və kəşfiyyat qurumlarının dəvəti ilə bu ölkədə Hizbullahın nümayəndələri ilə məxfi görüş keçiriblər. Görüşün məqsədi gərginliyi azaltmaq və iki tərəfin təhlükəsizlik məsələlərini müzakirə etmək olub.
"Reuters"in məlumatına görə, Suriya tərəfi Livanda Hizbullahın tərksilah edilməsi üçün hərbi müdaxiləyə əl atmayacağına dair zəmanət verib. Bunun müqabilində Dəməşq Hizbullahdan sərhəddən silah qaçaqmalçılığını dayandırmaq və qruplaşmanın, xüsusilə Suriyanın cənubundakı yatmış hücrələrini ləğv etmək üçün əməkdaşlıq tələb edib.
Hizbullahın nümayəndələri bu tələblərə açıq cavab verməyiblər, lakin Suriyanın işlərinə qarışmayacaqlarına söz veriblər. Təhlükəsizlik məsələlərində irəliləyiş əldə olunsa da, danışıqlar yekun razılaşma ilə nəticələnməyib.
