Türkiyə hərbi dəniz qüvvələrinin iki ixtisaslaşmış gəmisi — "TCG İşin" və "TCG Alemdar" — Şimali Kipr Türk Cümhuriyyətinin Girnə sularında "Filo Cet" sərnişin gəmisinin 18 itkin düşən sərnişinini tapmaq və qara qutusunu çıxarmaq üçün gecə-gündüz əməliyyata davam edirlər.
Anadolu Agentliyinin məlumatına görə, gəminin qalıqları dənizin təxminən 550 metr dərinliyində aşkar edilib və əməliyyat robotlaşdırılmış sualtı aparatlar, sonar sistemləri və xüsusi xilasetmə avadanlığından istifadə etməklə həyata keçirilir. "TCG Alemdar"ın əməliyyata başlamasından sonra hadisə yerindən daha iki cəsəd çıxarılıb.
Girnə limanı ilə Mersində yerləşən Taşucu arasında hərəkət edən "Filo Cet" 30 avqustda Girnədən çıxdıqdan az sonra su almağa başlayıb və limana qayıtmağa cəhd edərkən batıb. Hadisədə 239 nəfər xilas edilib, indiyədək 9 nəfərin cəsədi tapılıb.
