ABŞ-ın İrandakı hərbi hədəflərə hücumlarını yenidən başlatması və Tehranın buna qarşı cavab addımları ilə eyni vaxtda dünya neft qiymətləri kəskin şəkildə artıb. Çərşənbə günü Brent markalı neftin qiyməti təxminən 95,40 dollara, ABŞ-ın Western Texas Intermediate (WTI) markalı neftinin qiyməti isə hər barel üçün təxminən 90,66 dollara çatıb.
Reuters agentliyinə istinadən, münaqişənin genişlənməsi və Hörmüz boğazından neft nəqlində yenidən pozuntu yaranması ehtimalı qiymət artımının əsas səbəbi olub. Sepah da bu keçiddə hərəkət məhdudiyyətlərinin artırılacağı barədə xəbərdarlıq edib.
Neft qiymətlərinin artması onu göstərir ki, İran rejimi ilə ABŞ arasında hər yeni hərbi gərginlik dalğası birbaşa qlobal enerji bazarına təzyiq göstərə bilər.
