İran-Çin Birgə Ticarət Palatasının sədri Məcidrza Hariri etiraf edib ki, İran rejimi son iyirmi il ərzində BƏƏ-ni özünün əsas ixrac və idxal mərkəzinə çevirib və Əbu-Dabinin maliyyə əməliyyatlarında yaradacağı hər hansı fasilə İranın xarici ticarətinə ciddi təsir göstərə bilər.
Hariri bildirib ki, sanksiyalar BƏƏ-ni məhdudiyyətləri dövrə vurmağın əsas yollarından birinə çevirib, lakin xarici ticarəti tək bir ölkədən asılı etmək İran iqtisadiyyatının zəif tərəflərindən biridir. O iddia edib ki, Tehran qonşu ölkələr vasitəsilə BƏƏ-yə alternativlər tapa bilər.
Bu açıqlamalar BƏƏ-nin 19 avqustda İranla bütün ticarət və maliyyə əməliyyatlarını sonrakı bildirişə qədər dayandırmasından sonra səslənib. Müharibədən əvvəl İranın idxalının 30 faizdən çoxu BƏƏ-dən təmin olunurdu.
The Wall Street Journal qəzeti də daha əvvəl yazmışdı ki, Dubay Tehranın ən mühüm iqtisadi damarlarından biridir və İranın BƏƏ-dəki maliyyə və ticarət şəbəkələrinin tam bloklanması ölkənin iqtisadiyyatını iflic edə bilər.
