İsrailin "Kan" telekanalı yüksək vəzifəli hərbi rəsmiyə istinadən xəbər verib ki, İsraillə Türkiyə arasında mesaj ötürülməsi və hərbi sürtüşmənin qarşısının alınması üçün gizli kanallar mövcuddur.
Həmin rəsmi şəxs deyib: "İsrail Türkiyəni düşmənə çevirmək istəmir". Bununla belə, o vurğulayıb ki, Türkiyənin Suriyada İsrail üçün təhdid sayılacaq hərbi sistemlər yerləşdirməsi Tel-Əvivin qırmızı xəttidir və əgər diplomatik mesajlar nəticə verməzsə, İsrail addım atacaq.
Bu təmaslar İsrailin İdlibdəki Əbu-əz-Zühur hava bazasına hücumundan və Ankara ilə gərginliyin artmasından sonra daha böyük əhəmiyyət kəsb edib. ABŞ da Türkiyə, İsrail və Suriya arasında istənilməyən toqquşmaların qarşısını almaq üçün mexanizm yaratmaqdadır.
