ABŞ-ın SENTKOM komandanı son İsrail səfəri zamanı İsrail Silahlı Qüvvələrinin baş qərargah rəisi Eyal Zamir və ölkənin digər yüksək rütbəli komandanları ilə keçirdiyi görüşdə İranla müharibənin yenidən başlamasını və bu ölkənin infrastrukturuna təkrar hücum edilməsini tələb edib. İsrailin 13-cü kanalı cümə axşamı, 13 avqust tarixində məlumat yayaraq bildirib ki, Kuper bu görüşdə deyib ki, hazırkı şəraitdə Tehran öz mövqelərini dəyişməyəcək, lakin İranın infrastrukturuna hücum oyunun qaydalarını dəyişəcək və ona böyük ziyan vuracaq.
Həmin kanalın məlumatına görə, Kuper İsrailli komandanlara deyib ki, onların müharibəni yenidən başlatmaqdan başqa çarələri qalmaya bilər və birgə hücumlar üçün onlara ehtiyac duyulacaq. O, bu baxışı ABŞ Birləşmiş Qərargah Rəislərinin sədri Den Kayn ilə də bölüşüb və bu fikir ABŞ prezidenti Donald Trampa da çatdırılıb; SENTKOM eyni zamanda Hörmüz boğazında minalarla mübarizə üçün ABŞ Hərbi-Dəniz Qüvvələrindən kömək istəyib.
