İsrail mətbuatı xəbər verib ki, Mossadın yeni rəisi, İslam Respublikasını devirmək üçün plan hazırlamaqda rol oynamış və İran dosyesi ilə bağlı olan iki yüksək rütbəli məmuru vəzifəsindən azad edib.
Araz Newsun məlumatına görə, İsrailin 12-ci kanalının bildirdiyinə istinadən, Mossadın rəisi Roman Qofman bu təşkilatın kəşfiyyat idarəsinin rəisini və İran şöbəsinin rəisini vəzifədən azad edib.
Bu iki məmur, İslam Respublikasını devirmək üçün kürd silahlı qruplarından istifadə etməyə və İranda geniş etirazların yenidən alovlanmasına əsaslanan bir planın müəllifləri kimi tanıdılıb.
Bu xəbərə əsasən, plan sonda nəzərdə tutulan hədəflərə çata bilməyib. Mossad indiyədək 12-ci kanalın xəbərinin təfərrüatları barədə rəsmi açıqlama verməyib.
