ABŞ-ın hərbi kəşfiyyat qiymətləndirməsi göstərir ki, İran İslam Respublikası hazırda Hörmüz boğazına nəzarəti öz nüvə proqramına nisbətən daha effektiv təzyiq vasitəsi hesab edir.
NBC News-un məlumatına görə, bu strateji dəyişiklik xüsusilə İranın nüvə obyektlərinə edilən hücumlardan sonra ABŞ-ın kəşfiyyat qurumlarının diqqətini cəlb edib.
Hərbi rəsmilər eyni zamanda Donald Trampa xəbərdarlıq ediblər ki, ABŞ-ın Hörmüz boğazını ələ keçirmək və ya orada tam hərbi nəzarət qurmaq cəhdi uzun müddətli, baha başa gələn və qanlı bir əməliyyata çevrilə bilər və bunun uğurla nəticələnəcəyinə heç bir zəmanət yoxdur.
Hesabata görə, ABŞ qüvvələrinin ağır itkilər verməsi ehtimalı Vaşinqtonun İrana qarşı növbəti addımlarını qiymətləndirərkən nəzərə aldığı mühüm amillərdən biridir.
