Təbriz Ticarət Palatasının sədr müavini Məsud Bənabyan, Şərqi Azərbaycanda likvidlik böhranının dərinləşməsi barədə xəbərdarlıq edərək bildirib ki, İranın bank resurslarının təxminən 60 faizi Tehranda cəmlənib, halbuki bu ostanın ölkənin ümumi bank resurslarındakı payı cəmi 2.3 faizdir.
Bənabyanın sözlərinə görə, Şərqi Azərbaycan likvidlik həcmi baxımından yeddinci yerdə qərar tutsa da, bank resurslarının adambaşına düşən miqdarına görə on altıncı, bank xərclərinin adambaşına düşən miqdarına görə isə on yeddinci yerə düşüb. O qeyd edib ki, bankların resursları ilə xərcləri arasındakı uyğunsuzluq və ostanın kreditlərdəki payının azalması zavodların maliyyələşdirilməsini və istehsal müəssisələrinin fəaliyyətinin davam etdirilməsini çətinləşdirib.
İran miqyasında bank kreditləri 52 faiz artdığı halda, Şərqi Azərbaycanda kreditlərin artımı cəmi 29 faiz olub. Bundan əlavə, ostan sakinlərinin bank depozitlərinin artmasına baxmayaraq, bu resursların daha az hissəsi kredit və dövriyyə kapitalı şəklində Azərbaycanın iqtisadiyyatına qayıdıb; bu vəziyyət isə istehsalçıları həm xammal çatışmazlığı, həm də xərclərin artması ilə eyni vaxtda daha güclü təzyiq altına salıb.
