ABŞ Maliyyə Nazirliyi İranla əlaqə iddiası ilə yüz milyonlarla dollarlıq rəqəmsal aktivlərin dondurulduğunu açıqlayıb.

ArazNews-un məlumatına görə, ABŞ Maliyyə naziri Skott Bessent 344 milyon dollar dəyərində kriptovalyutanın İranla əlaqə şübhəsi ilə bloklandığını bildirib.

Bessent X platformasında yayımladığı bəyanatda qeyd edib ki, nazirlik İranın aktivləri istehsal etmə, köçürmə və geri qaytarma imkanlarına qarşı tədbirləri davam etdirəcək.

O əlavə edib ki, İranla əlaqəli bir neçə kripto pul kisəsi sanksiyaya məruz qalıb və nəticədə bu aktivlər dondurulub.

Bu addım enerji bazarlarında müharibə fonunda yaranan qeyri-sabitliklə paralel olaraq Vaşinqtonun Tehrana iqtisadi təzyiqləri artırmaq cəhdləri çərçivəsində atılıb.