ArazNews-un Associated Press-ə istinadən verdiyi məlumata görə, Pakistan rəsmiləri ilk raundda razılaşma əldə olunmasa da, diplomatik prosesin davam etdiyini bildirir.

Məlumata əsasən, Pakistan yaxın günlərdə və atəşkəs bitməzdən əvvəl İran və ABŞ arasında ikinci danışıqlar raundunun İslamabadda keçirilməsini təklif edib.

Mövzunun həssaslığı səbəbilə adlarının açıqlanmasını istəməyən iki pakistanlı rəsmi bildirib ki, bu təklif irəli sürülüb, lakin danışıqların keçiriləcəyi yer yekun olaraq tərəflərin qərarından asılı olacaq.

Rəsmilərdən birinin sözlərinə görə, ilk raund razılaşmasız başa çatsa da, bu proses birdəfəlik cəhd deyil, davam edən diplomatik xəttin bir hissəsidir.