İran prezidenti Məsud Pezeşkian Fransa prezidenti Emmanuel Makronla telefon danışığında Avropa ölkələrindən ABŞ-ı razılaşmaya yönləndirmək üçün daha aktiv rol oynamağı istəyib və diplomatiyanın problemlərin həlli üçün ən yaxşı yol olduğunu vurğulayıb.

ArazNews-un məlumatına görə, İran dövlət mediasına istinadən Pezeşkian bildirib ki, Tehran beynəlxalq qaydalar çərçivəsində danışıqları davam etdirməyə hazırdır və Avropa Vaşinqtonu bu çərçivəyə riayət etməyə təşviq edə bilər.

O, danışıqların gedişinə toxunaraq deyib: “Ekspert səviyyəsində anlaşmalar olsa da, ABŞ rəsmiləri arasında həddən artıq tələblər və siyasi iradənin olmaması razılaşmanın yekunlaşmasına mane olur.”