BMT-nin baş katibi Antonio Quterreş bildirib ki, İran və ABŞ arasında müharibənin sona çatdırılması üçün danışıqların tezliklə yenidən başlaması ehtimalı yüksəkdir.

ArazNews-un Reuters-ə istinadən verdiyi məlumata görə, Quterreş deyib: “Əldə etdiyimiz siqnallar göstərir ki, bu danışıqların bərpası çox ehtimallıdır.” Bu açıqlama Donald Trampın danışıqların yaxın iki gün ərzində Pakistanda yenidən başlaya biləcəyini deməsi fonunda səsləndirilib.

Quterreş Pakistan baş nazirinin müavini ilə görüşünə də toxunaraq, bu ölkənin vasitəçilik səylərini yüksək qiymətləndirib və sülh prosesinin davam etdirilməsinin vacibliyini vurğulayıb.

O əlavə edib: “Belə mürəkkəb və uzunmüddətli problemin bir danışıqlar raundunda həll olunacağını gözləmək real deyil. Buna görə də danışıqlar davam etməli və eyni zamanda atəşkəs qorunmalıdır.”