İranın Kəşfiyyat Nazirliyi 5 vətəndaşın “separatçı terrorçu” adı ilə öldürüldüyünü və daha 19 nəfərin “ABŞ-İsrail düşməni ilə əməkdaşlıq” ittihamı ilə saxlanıldığını açıqlayıb.
ArazNews xəbər verir ki, yayılmış bəyanatda öldürülən şəxslərin bomba yerləşdirməkdə ittiham olunduğu və bunun nəticəsində 1 nəfərin öldüyü, 7 nəfərin isə yaralandığı iddia edilib.
Bildirilib ki, saxlanılanlardan 10 nəfər Xuzistanda, 3 nəfər Ərdəbildə, digər 6 nəfər isə müxtəlif vilayətlərdə silahlı hücumlarda iştirak və ya həssas mərkəzlərdən məlumat toplamaq ittihamı ilə tutulub.
