NATO-nun baş katibi bildirib ki, alyansa üzv ölkələr Hörmüz boğazının yenidən açılması üçün birgə variantları müzakirə edir.

ArazNews-un məlumatına görə, Mark Rutte bu gün, 18 mart tarixində deyib: «Müttəfiqlər Hörmüz boğazının açılması üçün birgə variantları nəzərdən keçirirlər». Bu açıqlama Donald Trampın NATO-nu “pis gələcək”lə hədələməsindən sonra səsləndirilib.

ABŞ prezidenti Donald Tramp bəzi müttəfiqlərin bu məsələdə tərəddüd etdiyini tənqid edib və qlobal ticarət üçün strateji əhəmiyyət daşıyan bu marşrutun açılması üçün daha fəal addımlar atılmasını tələb edib.

Bu arada, bu gün İranın Əsəluyeh bölgəsindəki neft və qaz obyektləri İsrail tərəfindən hədəf alınıb; bu cür hücumların davam etməsi qlobal enerji təhlükəsizliyini təhdid edə bilər.