Son günlər İranın şimal-qərbində yerləşən Xudafərin və Culfa sərhəd bölgələrindən bəzi sərhəd postlarında qeyri-adi vəziyyətlə bağlı məlumatlar yayılıb.

Araz çayı boyunca yaşayan bəzi yerli sakinlərin bildirdiyinə görə, sərhəd postlarında yerləşdirilmiş sərhəd qüvvələri, polis bölmələri və SEPAH-a bağlı bəzi hərbi birliklərin

bir qismi müəyyən hallarda mövqelərini tərk edib.

ArazNews-a daxil olan məlumatlara görə, bəzi hərbçilər şəhərlərdə və yaşayış məntəqələrində müşahidə olunub və onların arasında narahatlıq və gərginlik hiss edildiyi bildirilir. Yerli mənbələr həmçinin qeyd edir ki, bu bölgələrdə xidmət edən bəzi qeyri-yerli əsgərlər xidmət yerlərini tərk edib və ya öz bölmələrindən ayrılıb.

Xudafərin və Culfa bölgələri İran ilə Azərbaycan Respublikası sərhədi boyunca, Araz çayı yaxınlığında yerləşdiyi üçün həssas sərhəd zonaları hesab olunur və bu ərazilərdə hərbi yerləşmədə baş verən dəyişikliklər adətən yerli sakinlərin diqqətini cəlb edir.

Bununla belə, bu xəbərin yayımlandığı vaxta qədər İranın rəsmi qurumları bu iddialarla bağlı hər hansı açıqlama verməyib və məlumatların doğruluğu müstəqil şəkildə təsdiqlənməyib.