Avropa Parlamenti rəhbəri İranda davam edən repressiyaları tənqid edərək bildirib ki, bu ölkənin xalqı onilliklərdir azadlıq və plüralizmi qəbul etməyən bir hakimiyyət altında yaşayır.

Araz News-un məlumatına görə, Avropa Parlamenti Prezidenti Roberta Metsola X sosial şəbəkəsində paylaşımında yazıb ki, İran xalqı “mənim yaşadığım müddət qədər repressiv dini rejimin çəkməsi altında yaşayıb və bu rejim heç bir müxalifəti, plüralizmi və azadlığı qəbul etmir”.

O əlavə edib: “47 il sükut içində qışqırmaq üçün çox uzun zamandır” və vurğulayıb ki, heç bir yeni İran nəsli qorxunu doğuşdan qazandığı haqq kimi miras almamalıdır. Metsola sonda İranın azad olmalı olduğunu bildirib.