آراز نیوز

ارگان خبری تشکیلات مقاومت ملی آزربایجان

دیرنیش
پنج شنبه ۹ام فروردین ۱۴۰۳
شما اینجا هستید: / خبر / عیسی کلانتری: ۷۷ ایلیندن بری اورمو گؤلونون قورویاجاغینی بیلیردیک

تورکجه خبر:

عیسی کلانتری: ۷۷ ایلیندن بری اورمو گؤلونون قورویاجاغینی بیلیردیک

ایران چئوره اؤرگوتونون باشقانی، عیسی کلانتری 77 ایلیندن بری، اورمو گؤلونون قوریاجاغی حاقدا بیلگیلری اولدوقلارینی سؤیله‌دی.

عیسی کلانتری: ۷۷ ایلیندن بری اورمو گؤلونون قورویاجاغینی بیلیردیک
9 سپتامبر 2018 - 18:42
کد خبر: ۴۶۵۴۶
تحریریه آرازنیوز

ایران چئوره اؤرگوتونون باشقانی، عیسی کلانتری ۷۷ ایلیندن بری، اورمو گؤلونون قوریاجاغی حاقدا بیلگیلری اولدوقلارینی سؤیله‌دی.

ایسنا خبر آزانسی‌نین بیلگیلرینه دایاناراق، عیسی کلانتری اورمو گؤلونون قورویاچاغی حاققیندا ۷۷ ایلیندن بیلگیلری اولدوقلارینی اعتراف ائدرک: «هیدرولوژی اوزمانی دوکتور جواهری ۱۳۷۷ گونش ایلینده منه اورمو گؤلونون اطرافیندا سد چکمه‌لرین نتیجه‌سینده بو گؤل ۱۳۹۵ ایلینده قورویاجاغی حاققیندا منی اویارمیشدی. آنجاق او زامان بیرچوخ اینسان بو قدر سو وارکن نئجه قورولوقدان دانیشابیلرسیز دئیه‌رک بو ادعایا قارشی چیخدیلار» دئدی.

کلانتری اورمو گولونون قوروماسی هیدرولوژی اوزمانلاری طرفیندن تخمین ائدیلمه‌سینه رغمن سدلرین تیکیلمه ایشلری داوام ائتدی و بئله‌لیکله گؤلون قوروماسی سورعتلندیگینی سؤیله‌دی.

عیسی کلانتری سو و اکینچیلیک آلانیندا چالیشان سوروملولاری ائلشدیریب دئدی: «سردار نقدی بیر عسگری مقام اولاراق ایران قیدا اورتیمی باخیمیندان یوکسک بیر کاپاسیته‌یه صاحیبدیر دئییر و بیلیم اینسانلاری بو سؤزون قارشیسیندا سوسورلار بئله‌لیکله اؤلکه‌نین بوتون سوروملولاری دوغرو بیر قرار وئرمکدن چاشیرلار.»

کلانتری چئوره آکتیویستلرینین توتوقلاندیقلارینی، اونلارا اؤلکه‌دن چیخیش یاساغی اویقولاماق و بونلارین هامیسینا هرکسین سادجه ایزله‌ییجی اولدوغونو سؤیله‌ییب تنقید ائتدی.

اصلینده کلانتری اؤز سؤزلرینده ایران آدلی اؤلکه‌نین بیلیم دوشرگه‌لرینین یئتنکسیز اولدوقلارینی و ایش باشیندا اولانلارین اوزمان اولمادیقلارینی ایفاده ائدیب تنقید ائتدی.

چئوره اؤرگوتونون باشقانی کلانتری «ایران حوکومتی بو قدر سیخینتی یاراتدیغی اوچون جاواب وئرمه‌لیدیر؛ چونکو اورمو گؤلونون قوروماسییلا برابر ۱۵ میلیون‌دان فاضلا اینسانین ساغلیق و یاشامی تهلوکه‌یه دوشجک‌دیر.» دئدی.

هیچ دیدگاهی برای این مطلب ثبت نشده است

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

این سایت از اکیسمت برای کاهش هرزنامه استفاده می کند. بیاموزید که چگونه اطلاعات دیدگاه های شما پردازش می‌شوند.

روی خط خبر