«آذری لایت» نفتینین دونیا بازارلاریندا قیمتی آرتیب و هر بوشقاسی ۱۰۴ دلار ۹۸ سنت اولوب.
آراز نیوزون آذربایجان دؤولت خبر آژانسی «آذرتاج»دان نقل ائتدیگینه گؤره، آذری لایت نفتینین هر بوشقا قیمتی ۳ دلار ۲ سنت، یعنی ۲.۹۶ فاییز آرتاراق ۱۰۴.۹۸ دوللارا چاتیب.
آذری لایت نفتینین تاریخی بویونجا ان یوکسک قیمتی ۲۰۰۸جی ایلین جولای آییندا ۱۴۹ دلار ۶۶ سنت اولوب. ان آشاغی قیمتی ایسه ۲۰۲۰جی ایلین آوریل آییندا ۱۵ دلار ۸۱ سنت اولاراق قئیدَه آلینیب.
