آراز نیوزون بیلدیردیگینه گؤره، تجارت نیوز توانبخشی آوادانلیقلاری بازاری حاققیندا یاییملادیغی راپوردا آچیقلاییب ۱۴۰۵-جی ایلده بعضی الکتریکلی ویلچرلرین قیمتی ۱۶۸ میلیون تومنه چاتیب. آغیللی مفصللی پروتزلرین قیمتی ایسه ۳ میلیارددان ۶ میلیارد تومنه قدر دَییشیر.
راپورا گؤره، دیز اوستو پروتزلر ۱۹۰ میلیون تومندن ۱.۵ میلیارد تومنه قدر، آغیللی مصنوعی اَللر ایسه ۳۰۰ میلیون تومندن ۸۰۰ میلیون تومنه قدر قیمتلندیریلیر.
بو قیمت آرتیمی، انگللیلر ساحهسینده فعالیت گؤسترنلرین مستمریلرین یئترسیز اولماسینی و بعضی دؤولت دستکلرینین آزالماسینی تنقید ائتدیگی بیر زاماندا باش وئریب. بو دوروم، انگللی اولان اینسانلارین حرکت، چالیشما و اجتماعی یاشاما قاتیلماق اوچون احتیاج دویدوغو ضروری آوادانلیقلاری تأمین ائتمهسینی داها دا چتینلشدریب.
