هواشناسی قورومو خبردارلیق یایاراق بیلدیریب کی، یاغیشلی هاوا دالغاسی صاباح، یکشنبه ۸ شهریورده اؤلکهیه داخیل اولاجاق و دوشنبهیهدک دوام ائدهجک.
صاباح غربی آذربایجان، شرقی آذربایجان، اردبیل، گیلان، زنگان و کوردوستانین قوزئی یوکسکلیکلری بو یاغیش دالغاسینین تأثیری آلتینا دوشهجک.
دوشنبه گونو ده غربی آذربایجانین قوزئی یاریسی، شرقی آذربایجانین قوزئی و شرقی بؤلگهلری، گیلان و اردبیلین یوکسکلیکلرینده گوجلۆ یاغیش، گؤی گورولتوسو، شیددتلی کۆلک و دولو ائحتمالی وار.
سئل گلمهسی، فصلی چایلارین داشماسی، کوچهلرین سو آلتیندا قالماسی و گئدیشگلیشده آخسامالارین یارانماسی گؤزلهنیلیر.
هواشناسی قورومو وطنداشلاردان چای و سئل یاتاقلارینین قیراغیندا گئدیشگلیشدن، ضروری اولمایان سفردن و یاشلی آغاجلارلا یاریمچیق تیکینتیلرین یانیندا ماشین ساخلاماقدان چکینمهلرینی ایستهدی.
