بریتانیانین دنیز تجارت عملیات مرکزی، هورموز بوغازیندان چیخان بیر گمییه سالدیری اولدوغونو آچیقلادی.
آراز نیوزون بریتانیا دنیز تجارت عملیات مرکزیندن نقل ائتدیگینه گؤره، گمی شرکتینین امنیت مسئولوسو، بو دنیز آراجینین «نامعلوم بیر مرمی» ایله هدف آلیندیغینی و ضربه سونوجوندا موتور اوتاغینین ضرر گؤردویونو، خدمهدن بیر نفرین ده یارالاندیغینی بیلدیریب. دیگر خدمهلره عمان ساحیل گوونلیک گوجلری یاردیم گؤستریب.
بریتانیا دنیز تجارت عملیات مرکزی، ایندیه قدر حادثهدن قایناقلانان هئچ بیر چئوره کیرلیلیگی (آلودگیسی) راپورو آلمادیغینی و سالدیری ایله باغلی آراشدیرمانین داوام ائتدیگینی آچیقلاییب. هله هئچ بیر طرف بو سالدیرینین مسئولیتینی اوستونه آلماییب.
