آسوشیتدپرس تحلیلی خبرینده یازیب کی، جومهوری اسلامی رهبرلری آمریکا ایله موناقیشهده زامانین اونلارین خئیرینه ایشلهدیگینی دوشونور و هورموز بوغازی اوزریندهکی باسقینین واشینگتونو بعضی گوزشتلره وادار ائده بیلهجگینه اینانیرلار.
آراز نیوزون خبرینه گؤره، آسوشیتدپرسین بیلدیردیگینه ایستیناداً تهران، آمریکانین بیر سیرا اساسی سیلاحینین، او جومولهدن توتوجو راکئتلرینین ذخیرهسینین آزالماسینا، آمریکا ایجتیماعی رأیینین اؤنملی بیر بؤلومونون ساواشین داوامینا قارشی چیخماسینا و کونگرهنین آرا سئچکیلری عرفهسینده انرژی خرجلرینین آرتماسینا بئل باغلاییب.
بو خبرده علاوه اولونور کی، جومهوری اسلامی رسمیلری همچنین بو دگرلندیرمهیه دایانیرلار: هورموز بوغازینین حربی گوجله آچیلماسی آمریکا اوچون چوخ باها باشا گلهجک و حتی قوروجو قوهلرین ایشتیراکینا احتیاج دویولا بیلر. بونونلا بئله، آسوشیتدپرس وورغولاییر کی، بو استراتژی تهران اوچون ده جیدی ریسکلر داشییر.
