ایسرائیل مطبوعاتی خبر وئریب کی، موسادین یئنی رئیسی، جومهوری اسلامینی دئویرمک اوچون پلان حاضیرلاماقدا رول اوینایان و ایران دوسیاسی ایله باغلی ایکی یوکسک روتبهلی رسمینی وظیفهلریندن آلیب.
آراز نیوزون خبرینه گؤره، ایسرائیلین ۱۲-جی کانالینین بیلدیردیگینه ایستیناداً موسادین رئیسی رومن گوفمن، بو تشکیلاتین کشفیات ایدارهسینین رئیسینی و ایران شؤبهسینین رئیسینی وظیفهدن آلیب.
بو ایکی رسمی، جومهوری اسلامینی دئویرمک اوچون کورد سیلاحلی قروپلاریندان ایستیفادهیه و ایراندا گنیش اعتراضلارین یئنیدن آلوولانماسینا دایانان بیر پلانین حاضیرلایانلاری اولاراق تانیدیلیب.
بو خبره اساسا، پلان سونوندا نظرده توتولان هدفلره چاتماییب. موساد ایندییه قدر ۱۲-جی کانالین خبرینین آیرینتیلاری بارهده رسمی آچیقلاما وئرمهییب.
