بوکسک وظیفهلی بیر قایناق بیلدیریب کی، ایران ایله عومان سلطنتی آراسیندا موذاکره ائدیلن پلان، هورموز بوغازینین ۶۰ گون موددتینه موووقتی آچیلماسینی و گمیلرین عوارض اؤدهمهدن کئچمهسینی احاطه ائدیر.
آراز نیوزون خبرینه گؤره، العربیهنین بیلدیردیگینه ایستیناداً بو پلانا اساسا، گیرن گمیلر ایرانا داها یاخین مسیردن، چیخان گمیلر ایسه عومانا داها یاخین مسیردن کئچهجکلر. اورتا مسیرین آراشدیریلماسی ایسه مین تمیزلهمه و تئکنیکی تدبیرلره احتیاج اولدوغو اوچون سونراکی مرحلهیه بوراخیلیب.
بو قایناق علاوه ائدیب کی، موقتی آچیلما، جومهوری اسلامینین میللی تهلوکهسیزلیک شوراسینین رضایتیندن سونرا، بیر نئچه گون ایچینده اعلان اولونا بیلر؛ بونونلا بئله، آنلاشما هله قطعیلشمهییب و رسمی اولاراق آچیقلانماییب.
