ایران ایسلام جمهوریتینین کئچمیش رهبری علی خامنهاینین جنازه نامازی، بوگون بازار (۱۴ تیر) سحر ساعات سککیزده جعفر سبحانی طرفیندن قیلیندی. بو تشییع مراسیمی، اونون اؤلوموندن دؤرد آیدان چوخ کئچدیکدن سونرا کئچیریلیر.
بو مراسیمده ان دیقّت چکن نوکته، مجتبی خامنهاینین اشتراک ائتمهمهسی اولوب. او، آتاسینین اؤلوموندن اون گون سونرا ایسلام جمهوریتینین یئنی رهبری کیمی تانیدیلیب و اونا " " دئییلیر، آنجاق آتاسینین جنازه نامازینی قیلماق اوچون بو مراسیمه قاتیلماییب.
آردی
بو اوزون مدت عرضینده مجتبی خامنهایدن هئچ بیر سس و یا ویدیو فایلی یاییملانماییب کی، اونون حؤکومتی ایداره ائتمه باجاریغینی گؤسترسین.
احتیمالاً ایران رئژیمی اونون اؤز آتاسینین یاس مراسیمینده بئله اولماماسینی تهلوکهسیزلیک سببلری ایله اساسلاندیراجاق؛ بونا باخمایاراق، حؤکومتین ایسراییل و یا آمریکانین بو مراسیمه هوجوم ائتمهسیندن ائله بیر قورخوسو یوخ کیمی گؤرونور، چونکی بازار گونو کئچیریلن مراسیمده اوچ قووهنین باشچیلاری، سپاه و قدس قوشونو باشچیلاریلاری داخیل اولماقلا، ایسلام جمهوریتینین دئمک اولار بوتون یوخاری روتبهلی رسمی مقاملاری اشتراک ائدیب.
آیریجا، خامنهاینین دیگر اوچ اوغلو مصطفی، مسعود و میثم کی کئچن ایلین ۹ اسفندیندن، یعنی ساواشین باشلانغیجیندان بری اورتالیقدا یوخ ایدیلر، بوگون آتالارینین تابوتونون باشی اوستونده حاضیر اولوبلار.
