تورکجه خبر سرویسی | ایران سیویل هاواچیلیق قۇرۇمۇ، علی خامنهاینین جنازه مراسیمی ندنیله ۱۳-۱۸ تیر تاریخلری آراسیندا بعضی هاوالیمانلاریندا اۇچۇش محدودیتلری اۇیغۇلاناجاغینی بیلدیردی.
آرازنیوز-ون تسنیم خبر آژانسینا دایاناراق الده ائتدیگی بیلگیلره گؤره؛ تئهرانداکی مهرآباد و امام خمینی هاوالیمانلاری ۱۳ و ۱۴ تیرده محدود ظرفیت و یوْلچۇ قبولۇیلا خیدمت وئرهجک.
۱۵ تیرده ایسه تئهران هاوالیمانلاریندا هئچ بیر یوْلچۇ اۇچۇشۇ گئرچکلشدیریلمهیهجک.
۱۶ و ۱۷ تیرده تئهران هاوالیمانلاریندا یوْلچۇ قبولۇ و اۇچۇشلار سینیرلی شکیلده دوام ائدهجک. عئینی تاریخلرده قوم اوستانینداکی اۇچۇشلارینا دا محدودیت گتیریلهجک.
مشهد هاوالیمانی دا ۱۷ و ۱۸ تیرده اوپئراسیوْنل محدودیتلرله فعالیت گؤسترجک. ۱۸ تیرده ایسه بو شهرین هاوالیمانیندا هئچ بیر یوْلچۇ اۇچۇشۇ گئرچکلشدیریلمهیهجک.
