آلدیغیمیز آجی خبر اساسیندا آذربایجانین تانینمیش شاعیر اوغلو، بوتون عؤمرونو ائلینه-وطنینه حصرائدن اجتماعی شخصیت، استاد «بهمن زمانی» اوزون خسته‌لیکدن سونرا بوگون ۱۴۰۳,۱۰,۱۷ تبریزده حیاتا گؤز یوموب، بیزدن آیریلدی.

مشهور دیلدن دیله دوشن آراز-آراز شعری«بهمن زمانی»نین انقلابندان اؤنجه «صمد بهرنگی»نین حسرتینده یازدیغی نغمه‌دیر.

۱۳۵۷ انقلابیندان سونرا «استاد بهمن زمانی»نین دن«آراز» عنوانیندا بیر کیتاب، نئچه کاست ده اوستادین آتشین شعیرلریندن نشر اولدو. هر شعیر بیر ماهنی اولوب، عاشیقلارین سازینا-سؤزونه کئچدی. تاسوف‌لرله اوستادین یازیلاری‌نین چوخو بو گونه‌ دک ایشیق اوزو گؤرمه‌ییبدیر. اومود ائدیریک یاخین گله‌جک‌ده اوستاد زمانی‌دن قالان اثرلرین نشر اولماغینا شاهید اولاق.

سون خبرلر اساسیندا اوستادین توپراغا تاپیشیرما مراسیمی صاباح۱۴۰۳,۱۰,۱۸ساعات ۱۰,۴۵ده تبریزین وادی رحمت مزارلیعیندا اولاجاق.