İsrail ordusu İslam Respublikası ilə yeni müharibəyə hazırlığını artırır, lakin bu ölkənin təhlükəsizlik rəsmiləri dərhal hücumu zəruri hesab etmirlər. İsrailin noyabrın 17-də, çərşənbə axşamı mediaya açıqlanan kəşfiyyat qiymətləndirməsinə görə, İslam Respublikası zərər görmüş hərbi potensialını bərpa edir və nüvə obyektlərinin istehkamlarını gücləndirir.
Bu rəsmilərin sözlərinə görə, Tehranın hərbi potensialını bərpa etməsi tək başına hücum üçün kifayət qədər əsas deyil və məqsədin İslam Respublikasının devrilməsi, yoxsa daha məhdud nəticələr əldə etmək olduğu aydınlaşdırılmalıdır. İsrail ordusu «Şirlərin nərəsi» əməliyyatında olduğu kimi ABŞ ilə koordinasiyalı şəkildə hərəkət etməyə üstünlük verir, baxmayaraq ki, müstəqil əməliyyat üçün də planlaşdırma aparıb.
İsrail ordusunun Şimal Komandanlığı Hizbullah müharibəyə qoşulacağı təqdirdə Livanda daha geniş miqyaslı quru əməliyyatı üçün plan hazırlayıb. ABŞ Mərkəzi Komandanlığının (CENTCOM) çərşənbə axşamı yaydığı görüntülərə əsasən, «Teodor Ruzvelt» və «Corc Vaşinqton» aviadaşıyanları Ərəb dənizində yerləşir.