ABŞ Mərkəzi Komandanlığının (CENTCOM) komandanı admiral Bred Kuper İsrail ordusunun yüksək rütbəli komandanlarına göndərdiyi mesajda İslam Respublikası ilə müharibənin bərpasını dəstəkləyib. Bu barədə İsrailin 13-cü kanalı xəbər verib. Kanalın məlumatına görə, Kuper öz mövqeyini ABŞ hökumətinin yüksək vəzifəli rəsmilərinə də çatdırıb.
Kuper hesab edir ki, ABŞ-ın üçüncü dalğa hücumları İslam Respublikasının mövqelərini dəyişə bilər. Körpülərin, elektrik stansiyalarının və iqtisadi infrastrukturun hədəfə alınması bu hücumların bir hissəsidir.
Bu məlumat İsrail ordusunun ABŞ-ın üçüncü təyyarədaşıyan gəmisinin regiona gəlişinə hazırlaşdığı bir vaxtda yayılıb. "The Wall Street Journal" qəzeti daha əvvəl yazmışdı ki, Kuper və ABŞ-ın müharibə naziri Pit Heqset İslam Respublikasına qarşı genişmiqyaslı hərbi əməliyyatlara qayıdışı dəstəkləyiblər.
