Peugeot 207 avtomat aban ayının əvvəlindən bu günədək 365 milyon tümən bahalaşıb və hazırda bazarda 4 milyard 365 milyon tümənə satılır. Dena Plus 6 pilləli modelinin qiyməti isə cəmi bir həftə ərzində 290 milyon tümən artaraq 3 milyard 420 milyon tümənə çatıb.
İran Xodro şirkətinin seçilmiş məhsullarının qiyməti 1404-cü ilin mehr ayından 1405-ci ilin mehr ayınadək 158 faizdən 197 faizədək artmışdı. Bu, eyni dövrdə dolların bahalaşmasından daha sürətli idi. Statistika Mərkəzinin məlumatlarına görə, avtomobil istehsalçılarının inflyasiyası yazda 95 faiz, yayda isə 111 faiz olub. Bu göstəricilər qiymətlərdəki kəskin sıçrayışdan xeyli aşağıdır.
İran Xodro yenidən qiymətlərin 55 faiz artırılmasını tələb edib. Avtomobil idxalı da aban ayının 5-dən prezidentin göstərişi ilə müvəqqəti dayandırılıb. Üç böyük avtomobil istehsalçısının istehsalı mehr ayının sonunadək ötən ilin eyni dövrü ilə müqayisədə 32 faiz azalıb.
