«Tramp marşrutu», yəni Ermənistanın Sünik vilayətindən və İran sərhədi boyunca keçən Zəngəzur dəhlizi texniki danışıqlar mərhələsinə qədəm qoyub. ABŞ, Ermənistan və Azərbaycan birgə bəyanatda ilk növbədə nəqliyyat və enerji ötürülməsi sahələrində fəaliyyət göstərəcək üçtərəfli texniki qrupların yaradıldığını açıqlayıb.
ABŞ dövlət katibinin müavini Brendan Hanrahan Ermənistan və Azərbaycanın xarici işlər nazirlərinin müavinləri ilə birlikdə bu bəyanatı yayıb. Layihə dəmir yolu, avtomobil yolu, neft və qaz kəmərləri, elektrik ötürmə və internet xətlərini əhatə edir və Naxçıvanı Azərbaycanın əsas ərazisi ilə birləşdirir.
Ermənistan parlamenti 28 oktyabrda bu marşrutla bağlı sazişi 63 lehinə, 32 əleyhinə səslə təsdiqləyib. İki gün sonra İslam Respublikasının İrəvandakı səfiri Xəlil Şirqulami Tehranın bu layihə ilə bağlı «ciddi narahatlığı»ndan danışıb. O, İran-Ermənistan sərhədində üçüncü ölkənin hərbi qüvvələrinin olmayacağına zəmanət verilməsini tələb edib.
