80-dən çox qurum, media və siyasi partiya 23 abanı (14 noyabr) Bəluçistan xalqı ilə həmrəylik üçün qlobal aksiya günü elan edib. Bu birgə bəyanat «Aprel Qlobal Aksiya Katibliyi»nin təşəbbüsü ilə yayımlanıb.
Bəyanatı imzalayanlar fəalları və təşkilatları həmin gün Bəluçistan xalqının səsi olmağa çağırıb. Etiraz aksiyası, konfrans, foto sərgi, performans nümayişi və yerli rəsmilərlə görüş təklif olunan fəaliyyət formaları sırasındadır. Bəyanatda bu aksiyanın məqsədi bəluc xalqının tələblərini, eləcə də onların ayrı-seçkiliyə, məhrumiyyətə və İslam Respublikasının cinayətlərinə qarşı mübarizəsini dünyaya çatdırmaq kimi göstərilib.
Bəyanat üçün imza toplanışı davam edir. Katiblik bu gün üçün ümumi poster hazırlayıb. Katibliyə bildirilən hər bir tədbir üçün isə təşkilatçının adı və fəaliyyət növü göstərilməklə ayrıca poster yayımlanacaq.
